Numri i rasteve me koronavirus prej ditësh vijon të jetë në rënie.
Gjithashtu Komiteti Teknik i Ekspertëve vendosi lehtësim të masave kufizuese kundër Covid-19, pas një përmirësimi të situatës epidemiologjike.
Ndërkohë mëngjesin e sotëm, Kryeministri Edi Rama ka publikuar një video në rrjetin social, nëpërmjet të cilës tregon se situata e Covid është drejt përmirësimit.
“Tirana u hap”, thuhet nëpërmjet kësaj video, edhe pse vijon ora policore, e cila sipas Komitetit Teknik përgjatë muajit qershor do të jetë 23:00-06:00, ndërsa në korrik ndalim qarkullimi do të nisë në mesnatë deri në mëngjes.
Deri më tani 770, 084 persona kanë marrë doza kundër Covid-19 nëpërmjet fushatës së vaksinimit, ndërsa objektivi mbetet vaksinimi i 1 milion qytetarëve brenda qershorit.
Situata e pandemisë në Shqipëri ka prodhur debate të shumta, veçanërisht lidhur me menaxhimin e saj dhe numrin e viktimave që shkaktoi koronaviruesi. Sipas ekspertëve të shëndetësisë, ulja e rasteve Covid-19 ka të bëjë me imunitetin e grupit, si dhe me vaksinat, edhe pse në Shqipëri shumica e të vaksinuarve kanë marrë vaksinën kineze, e cila nuk është ♪ertifikuar ende nga OBSH apo EMA.
