Deputeti i PS Vlorës, i sapozgjedhur në 25 prill ka nisur sulmin ndaj kryebashkiakut të majtë Dritan Leli. Përmes një postimi në Facebook, deputeti i ri Ilir Metaj akuzon Lelin se është duke punuar vetëm për fasadën dhe jo për në ndonjë punë kokrete.
Ai sjellë si shembull plazhin e ri të Vlorës ku thotë se më tepër i ngjan një lëndine ku nuk duket rëra. Sipas Metajt. Leli ka lënë pas dore investimet për plazhin e ri, për të cilin thotë ai qeveria Rama ka bërë shumë.
Dritan Leli është vënë në shënjestër nga partia e tij para zgjedhjeve të 25 prillit.
Mes tij dhe kryeministrit Rama ka pasur dhe përplasje verbale.
Deklarata
Mirëmëngjes 
Këto foto i bëra te Plazhi i Ri, plazhi kryesor, publik i Vlorës.
Më saktë duhet thënë Lëndina e re.
Sepse plazhi i bukur me rërë(investim i qeverise si pjesë e projektit fantastik të Lungomares), tashmë nuk ekziston më.
Kryetari i Bashkisë Vlorë, në vend që të kaloje kohën nëpër aktivitete- fasadë pa asnjë vlerë,do duhej të angazhohej në punë konkrete sepse jemi brenda sezonit turistik veror tashmë dhe të paktën plazhet duhet të ishin të pastruar e mirëmbajtur.
Them të paktën plazhet, sepse rradha e punëve të mosbëra është e gjatë.
Nuk e di, kë pret Leli të vijë e të bëjë punët e përditshme të Bashkisë.
Ai edhe mund të presë në fakt, se kjo nuk e pengon të mbushë fejsbukun me foto kostumesh që ndërron përditë,,problemi është që Vlora nuk pret!
Sezoni turistik që ka nisur, nuk pret!
Bizneset që mezi presin sezonin, nuk presin!
Vlora ka nevojë për turistë, jo për kryetar bashkie turist në qytetin e tij.
