Teuta ia doli të triumfonte në kampionat. Durrsakët fituan titullin kampion, pas 27 vitesh mungesë. Ekipi i Martinit mundi 6-1 Apoloninë dje, duke e kthyer ndeshjen e fundit në festë.
Menjëherë pas vërshëllimës së arbitrit, festa filloi në Durrës, për një sezon që mbyllet në mënyrën më të mirë të mundshme.
Por, le të shikojmë pak statistikat e kësaj skuadre, në “Niko Dovana”. Në renditjen për ndeshjet në shtëpi, Teuta është e katërta me 30 pikë, ku numëron 7 fitore, 9 barazime dhe 2 humbje. Vendi i parë mbahet nga Laçi, ndërsa e dyta dhe e treta janë respektivisht Vllaznia dhe Partizani.
