Varianti i koronavirusit i zbuluar në Indi për herë të parë është sinjalizuar zyrtarisht në 53 territore, njoftoi sot Organizata Botërore e Shëndetësisë në një raport.
OBSH ka marrë informacione, që vijnë nga burime jo zyrtare, sipas të cilave varianti B.1.617 është gjendur në shtatë territore të tjera, spas shifrave nga azhurnimi epidemiologjik javor i agjencisë shëndetësore të OKB, duke e çuar totalin në 60.
Sipas raportit, ky variant B.1.617 shfaq transmetueshmëri të rritur ndërsa ashpërsia e rasteve të prekura është në studim.
Numri i rasteve të reja dhe i viktimave nga COVID-19 ka vazhduar të ulet javën e kaluar me mbi 4,1 milionë raste të reja dhe 84 000 të vdekur, rënie respektive prej 14% dhe 2% në raport me një javë më parë.
Rajoni i Europës është ai që ka regjistruar rënien më të madhe të kontaminimeve dhe të viktimave në shtatë ditë, ndjekur nag Azia Juglindore.
Numri i rasteve të konstatuara në Amerikë, Mesdheun Lindor dhe rajonin e Afrikës është i ngjashëm me atë të javës së kaluar.
“Pavarësisht nga një trend global në rënie gjatë katër javëve të fundit, rastet dhe vdekjet me COVID-19 mbeten të larta dhe rritje të konsiderueshme janë raportuar në shumë vende të botës”, thekson dokumenti.
