Shefi i Urgjencës Kombëtare, Skënder Brataj, njëherazi një prej anëtarëve të Komitetit Teknik, tha mbrëmjen e sotme në Open se është ende herët për të hequr të gjitha masat kundër pandemisë.
Ai tha se pandemia nuk ka mbaruar akoma, prandaj duhet bërë kujdes.
“Po mbaron është fjalë e madhe, është një fenomen botëror dhe në Botë është ndryshe nga ne këtu, por indikatorët i kemi për lirim masash.
Tani mbase njerëzit duke qenë të lodhur i respektojnë më pak masat, por kujdesi s’është vetëm me fjalë. Problemi është që në momentin që ben vaksinim masiv duhet të qarkullojë pak virusi, bilanc që do kujdes.
I kemi gjërat në gatishmëri për një verë të qetë. Situata është pozitive, do ketë lirim masash besoj, por jo që të do hiqen të gjitha se do ishte fatale.
Unë do filloja me maskën jashtë që ta heqim, sidomos nga temperaturat. Për të hequr orën policore s’jam dakord të hiqet, se e kemi parë çfarë ndodhi më parë”, tha ai.
