Rrëzohet aeroplani pak minuta pas ngritjes, humb jetën piloti

Një ngjarje e rëndë ka ndodhur në Las Vegas, ku mësohet se një pilot ka ndërruar jetë, pasi aeroplani që po drejtonte është rrëzuar pas ngritjes nga baza e forcave ajrore Nellis. Autoritetet kryesore bëjnë me dije se aeroplani u rrëzua pak jashtë skajit jugor të bazës rreth orës 2:30 pasdite, sipas kohës lokale.

“Avioni ishte në pronësi, operuar dhe pilotuar nga Draken US, një kompani me bazë në Florida e kontraktuar për të siguruar mbështetjen ajrore kundërshtare të Bazës Ajrore Nellis”, shkruhet në njoftim.

Ende nuk dihet shkaku i rrëzimit të avionit. Draken US po bashkëpunon me agjencitë për të përcaktuar se çfarë çoi në aksident.