Lajmi se së shpejti në Top Channel do të nisë “Big Brother Vip” bëri xhirone rrjetit dhe menjëherë mediat nisën të lakonin disa emra prezantuesesh të njohura, të cilave mund t’u besohej ky format i madh.
Arbana Osmani, i pari emër që u shkon të gjithëve në mendje edhe për shkak se i janë besuar asaj 8 edicione Big Brother, në fakt nuk është e vetmja e lakuar. Luana Vjollca vjen menjëherë pas saj, madje lajmet e ditëve të fundit kanë bërë me dije se do të jetë pikërisht ajo drejtuesja e këtij formati.
Një postimi i Luanës i disa ditëve më parë, mbi të cilën shkruante “Luana po të vëzhgon” (identifikuese me moton e spektaklit të famshëm), i bëri të gjithë të besonin se mund të jetë ajo moderatorja e Big Brother Vip.
Arbana Osmani ka reaguar, ndryshe nga herët e tjera kur zgjedh të heshtë derisa të vijë koha e spektaklit.
Pyetjes: “A je ti prezantuesja e Big Brother VIP, na trego të lutem?”, Arbana i përgjigjet: “Patjetër që do t’ju tregoj, kur të vijë momenti”.
Kureshtja e madhe e fansave nuk do të shuhet derisa lajmi për prezantuesen zyrtare të bëhet publik së shpejti.
