Një aksident me vdekje është shënuar mbrëmjen e djeshme në aksin Ballsh-Fier, në vendin e quajtur “Ura e Ballshit”.
Viktimë ka mbetur një shtetas i mitur 16-vjeç, si dhe është plagosur një tjetër shtetas 18-vjeçar. Të dy këta persona po udhëtonin me motor dhe dyshohet se janë përplasur një automjet tip ‘Ford’.
Trupi i viktimës është gjetur i pajetë nga kalimtarë të rastit, ndërkohë që 18-vjeçari i plagosur është transportuar në spital me fraktura të rënda.
Ndërkohë janë publikuar edhe fotot e të përfshirëve në aksident, 18 vjeçari Lion Ahmetaj, i cili ka mbetur i plagosur.
Ndërsa 16 vjeçari Agim Hoxhaj nuk mbijetoi dot dhe ndërroi jetë pas dëmtimit të rëndë që mori.
