Aksidentohet furgoni me pasagjerë nga Kosova, vdes shoferi

Një minibus me pasagjerë nga Kosova është aksidentuar mëngjesin e sotëm në autostradën Maritsa në Bullgari.

Ngjarja raportohet nga mediumi lokal bullgar Haskovo, ku ka mbetur i vdekur shoferi që po drejtonte automjetin, ndërsa katër pasagjerët kanë shpëtuar.

Mësohet se njëri prej tyre është lënduar rëndë dhe është dërguar në Repartin e Neurokirurgjisë në Spitalin Haskovo, kurse tre të tjerët janë ekzaminuar dhe janë lanë për trajtim në shtëpi.

Ministria e Brendshme bën me dije se aksidenti ndodhi në orën 04:00 të mëngjesit.