Vllaznia shpallet për herë të 8-të radhazi kampione e Shqipërisë për femra

Në futbollin për femra ka vetëm një emër, Vllaznia. Ekipi shkodran mbylli një kampionat të suksesshëm duke u kurorëzuar në “Loro Boriçi si fitueset e titullit të kampionatit për femra ndërkohë që matematikisht e kishin siguruar 4 javë më parë.

Vajzat kuqeblu e mbyllën kampionatin në kuotën e 66 pikëve pas 22 javëve të zhvilluara, duke shfaqur një dominim absolut ndaj të gjithë rivaleve, me 160 gola të shënuar dhe vetëm 7 të pësuar.

Ndeshjen e fundit kampionet e Vllaznisë fituan edhe derbin ndaj Juban Danjës me rezultatin e thellë 5-2 çka tregon edhe njëherë dominimin absolute të vajzave shkodrane në futbollin shqiptar për femra.

Për Vllazninë ishte titulli i tetë radhazi që arritën këtë vit ndërsa më 27 Maj kanë mundësinë të bëjnë “double” teksa do të luajnë finalen e Kupës së Shqipërisë ndaj vajzave rivale të Apolonisë.