Talentet shqiptarë vazhdojnë të bëjnë mirë në Europë dhe të shënojnë rregullisht. Kjo javë ka qenë e Renild Kasemit, i cili ka shënuar një nga golat më të bukur të këtij viti për të dhe për Olympiacos U19.
18-vjeçari shënoi një nga golat në fitoren me shifrat 0-4 ndaj moshatarëve OFI Crete. Talenti shfrytëzoi maksimalisht një pasim nga krahët dhe goditi me thembër shumë bukur, duke ja bërë të pamundur portierit dhe postuar sferën në rrjetë.
Kasemi bëri një ndeshje shumë të mirë, duke goditur edhe shtyllën dhe shënuar një tjetër gol, që iu anulua nga gjyqtarët. Në të shkuarën Kasemi ka qenë pjesë e Shqipërisë U17, ku ka mbajtur edhe shiritin e kapitenit.
