Ceremonia e Dita e hapur e Forcave të Armatosura Shqiptare në kuadër të stërvitjes së përbashkët me trupat amerikane, “Defender Europe 21” bëri bashkë paraditen e kësaj të dielë, kryeministrin Edi Rama, presidentin Ilir Meta dhe ambasadoren e SHBA në Tiranë, Yuri Kim.
Në nisje të aktivitetit nuk ka munguar edhe një shtrëngim duarsh, pothuajse kortezie, mes Kreut të Shtetit dhe ambasadores amerikane.
Ky shtrëngim duarsh mes Presidentit dhe ambasadores amerikane, vjen pas përplasjes së fortë të tyre në distancë , ku shkak u bënë zgjedhjet e 25 prillit. Ambasadorja kritikoi kreun e shtetit për retorikën e tij të ashpër gjatë fushatës elektorale.
