Penalltia e akorduar nga Enea Jorgji në dëm të Partizanit në sfidën e humbur ndaj Vllaznisë, ka sjellë reagime të ashpra në ambientin e skuadrës së kuqe.
Pas trajnerit, Ilir Daja dhe presidentit, Gazmend Demi, i fundit që ka reaguar është sulmuesi Stenio Junior.
Në humbjen ndaj Vllaznisë, braziliani nuk luajti për shkak të një dëmtimi në këtë ndeshje, por përmes një postimi në profilin e tij në “Instagram” braziliani nuk i ka kursyer ofendimet ndaj gjyqtarit Enea Jorgji. Ja postimi i Zhuniorit:
“Është e vështirë të pranohet që një bir ku**e të vijë në shtëpinë tonë dhe të bëjë çfarë të dojë me kokën e tij. Mund të thuhet se nuk e meritonim fitoren, por humbja ishte e padrejtë.
Respekt për këtë klub, respekt për lojtarët, që luftojnë ditë pas dite kundër të gjithëve për këtë fanellë. Na e vodhët titullin, nuk është ‘Fair Play’”/
Vlen të theksohet se Zhunior më pas e ka fshirë postimin e tij.
