Një ngjarje e rëndë është shënuar në Indi. Mediat e huaja shkruajnë se një paciente COVID, është përdhunuar në grup nga disa punonjës të spitalit privat ku ishte e shtuar, disa ditë, përpara s të ndërronte jetë.
Ngjarja mendohet se ka ndodhur më datë 16 maj, në shtetin Bihar dhe denoncimi është bërë nga vajza e saj.
Një paciente indiane me Covid-19 është përdhunuar në grup nga disa punonjës të spitalit privat ku ishte shtruar, disa ditë përpara se të ndërronte jetë. Vajza pretendon se doktorët e intubuan nënën, në mënyrë që të mos tregonte mbi përdhunimin.
“Nëna ime shkoi në spital me këmbët e veta dhe gjendja shëndetësore e saj nuk ishte e rënduar, pavarësisht se kishte disa simptoma. Por, në spital u sulmua seksualisht nga 3 burra. Kur u rëndua gjendja, nëna m’i tregoi të gjitha. Doktorët e intubuan që ajo të mos denonconte në polici. Ky spital duhet mbyllur urgjentisht”, tha vajza.
Tashmë, policia indiane ka nisur hetimin për këtë çështje, ndërsa pritet edhe ekspertiza mjeko-ligjore.
