Shkon në 5 numri i kandidatëve për postin e Krzetarit të Partisë Demokratike. Pas Lulzim Bashës, Fatbardh Kadillit, Ibsen Elezit dhe Edith Harxhit, garës i bashkohet edhe Lisander Hoxha, ish-nënkryetar i FRPD.
Nga raportimet mësohet se Hoxha ka tërhequr formularin, përmes të cilit Komisioni Zgjedhor ka përcaktuar kriteret që duhet të plotësojnë kandidatët.
“Modeli Lulzim Basha del jashtë çdo konteksti dhe nevojë që demokratët kanë sot. Shqiptarët janë të vetëm në perballje me regjimin e Rilindjes dhe atyre u duhet dikush që mobilizon njerëz, besim dhe inspiron vlerat e lirisë.
Mbrëmë u kujtuam se modeli Basha është ajo që nuk i duhet më Partisë Demokratike, e cila tashmë mbeti 12 vite në opozitë. Të përballesh me Rilindjen sot do të thotë të kesh përballë një makineri të fuqishme, e cila ka në dispozicion të gjitha mjetet kundër nesh”, shprehet Hoxha në një postim në rrjet.
Hoxha ndërkohë ende nuk ka depozituar zyrtarisht kërkesën, por se pritet ta bëjë këtë nesër, që përkon edhe me afatin e fundit për depozitimin e kandidaturave për kreun e PD-së.
DENONCO