Suedia ka lëvizur në krye të listës së vendeve në Europë përsa i përket shkallës më të lartë të infeksioneve të reja të COVID-19, sipas numrave më të fundit nga zyrtarët shëndetësorë të BE-së.
Që nga e enjtja, vendi skandinav me një strategji unike në trajtimin e pandemisë, që tërhoqi shumë vëmendje ndërkombëtare, ka regjistruar 577 raste të reja për 100 000 banorë në 14 ditët e fundit, më e larta nga të gjitha vendet në Zonën Ekonomike Europiane.
E dyta vjen Lituania, që regjistroi një normë prej 563, ndërsa Qipro është e treta, me 522, sipas Qendrës Europiane për Parandalimin dhe Kontrollin e Sëmundjeve (ECDC).
Sidoqoftë, përkundër shkallës së lartë të incidencës, numri i të vdekurve nga COVID-19 në Suedi ka qenë i ulët: rreth 12 vdekje për milion banorë.
