Arbitrat i shmangen sfidave, FSHF-ja në “hall” për dy javët e fundit të Superiores

Nesër, do të luhen ndeshjet e javës së 35-të të Superiores. Të gjitha takimet janë programuar në orën 17:00, ndërsa ende nuk dihet se kush do të jenë ata që do të vënë drejtësi në fushën e blertë.

Burime të besueshme pranë Federatës Shqiptare të Futbollit tregojnë se shumë nga gjyqtarët nuk dëshirojnë që të jenë në fushë në këto dy javë të fundit. Ata kanë kërkuar të shmangen për shkak të presionit të madh.

Në këto kushte, sektori i Gjykimit në FSHF i duhet të zgjedhë vetëm para takimeve “bilbilat” e javës së 35-të. Nuk ka ende asnjë lëvizje dhe gjithçka pritet të mësohet disa orë para ndeshjeve.

Në kryeqytet Partizani dhe Vllaznia luajnë një ndeshje titulli, ndërsa në Laç, kurbinasit kanë mundësinë e artë për të mposhtur Teutën, e pse jo për të pretenduar për trofeun e kampionit.