Partizani fitoi dje 0-1 ndaj Teutës në Durrës. Sfida e “Niko Dovana” ka bërë që Demat të marrin kryesimin me numër të barabartë pikësh me durrsakët, 62. Për sfidën e pasdites së djeshme, në formacionin e Partizanit u vu re mungesa e Junior.
Trajneri Daja nuk preferoi ta aktivizonte sulmuesin asnjë minutë, kjo për shkak të një lëndimi. Në stërvitjen e fundit para sfidës me Teutën, braziliani ndjeu një shqetësim dhe për stafin mjekësor ishte e udhës që lojtari të pushonte, teksa do hidhej në fushë vetëm në rast urgjent.
Pritet që Junior të jetë gati për të premte, aty ku Partizani pret Vllazninë në 17:00, në javën e parafundit të sezonit.
