Një aksident i rëndë është regjistruar gjatë natës, në aksin Milot-Mamurras.
Si pasojë e aksidentit makina është përplasur dhe ka përfunduar në një kanal vaditës, ku 2 persona kanë humbur jetën. Ndërsa kërkimet po vijojnë ende për shkak se për shkak se dyshohet se në automjet ndodhej edhe një tjetër person, që dyshohet se ka humbur jetën.
Polumbarët kanë mundur të nxjerrin nga uji trupin e dy viktimave.
Njoftimi i plotë: Kurbin/Informacion paraprak
Në aksin rrugor Milot-Mamurras, mjeti tip “Toyota” ka humbur kontrollin duke dalë nga rruga dhe ka rënë në kanal me ujë, ku për pasojë kanë humbur jetën shtetasit S.D.,45 vjeç, banues në Durrës dhe U.P.,39 vjeç, banues në Tiranë.
Grupi hetimor ndodhet në vendngjarje dhe vijon punën për sqarimin e plotë të shkakut dhe rrethanave të ngjarjes, si dhe shërbimet e Policisë vijojnë kontrollet përgjatë kanalit nëse në automjet ka pasur shtetas të tjerë.
