Thomas Strakosha mund të largohet këtë verë nga Lazio. Portieri i kombëtares shqiptare ka edhe një vit kontratë dhe italianët, duke qenë se nuk ka një marrëveshje për rinovimin, do të jenë të detyruar ta shesin për të mos e humbur me parametra zero.
Së fundmi SportMediaset raporton se për Strakoshën ka interes nga Premier League. Southampton është skuadra që po e vëzhgon portierin e Lazios dhe duke ditur lidhjet me Anglinë të kompanisë që menaxhon Strakoshën, kjo lëvizje mund të konkretizohet këtë verë.
Për “gardianin” ka interes edhe nga klube të tjera të Serie A. Bologna e pëlqen Strakoshën, por duket e vështirë që të paguajnë për kartonin e tij. Kështu Southampton mendohet të jetë një hap para tyre.
