Një plagosje me thikë ka ndodhur në Durrës këtë të Martë.
Policia njoftoi se në lagjen Nr.13, Plazh, pas një konflikti për motive të dobëta, A.Ç., 51 vjeç, banues në Durrës, ka goditur me mjet prerës (thikë) A.S., 55 vjeç, banues po në qytetin bregdetar.
Nga ana e Shërbimeve të Komisariatit të Policisë Durrës është ndërhyrë duke kapur në flagrancë autorin e dyshuar, në tentativë për tu larguar nga vendi i ngjarjes. Ky i fundit është shoqëruar në ambientet e policisë.
I dëmtuari ndodhet në Spitalin Rajonal Durrës nën kujdesin e mjekëve.
Grupi hetimor po punon për sqarimin e rrethanave të ngjarjes dhe kryerjen e veprimeve të mëtejshme procedurale.
