Prokuroria e Posaçme rinis hetimet për vrasjen e Artan Santos. Sipas burimeve nga SPAK mesohet se Prokuroria ka vendosur të rihapë dosjen për ekzekutimin e biznesmenit, pasi janë siguruar prova të reja.
Kujtojmë se në fillim të këtij viti Prokuroria e Tiranës bëri kërkesë për rihapjen e një prej dosjve më të bujshme në Shqipëri.
Dhe SPAK ka rihapur zyetarisht një nga dosjet me të bujshme të dekadës së fundit. Kjo dosje ishte pezulluar për mungesë provash, por burimet bëjnë me dije se ka indicie të reja.
Sipas informacioneve të siguruara gjatë kësaj periudhe mësohet se Prokuroria e Posaçme ka marrë në pyetje edhe disa persona që dyshohet se mund të kenë dijeni për atentatin ndaj Santos.
SPAK tregohet mjaft i rezervuar lidhur me personat që janë thirrur në institucionin e akuzës, por burimet tregojnë ka indicie që mund t’i çojnë ato drejt autorëve të krimit të rëndë dhe më pas pse jo dhe tek porositësit.
Sipas informacioneve nga Prokuroria e Posaçme, disa kohë më parë me urdhër të SPAK janë zhvilluar edhe disa operacione nga RENEA dhe policia për kapjen e personave që dyshohet se kanë marrë pjesë në këtë ngjarje. Hetimet janë në vijim dhe burime nga institucioni i akuzës thonë se janë optimistë, ku kanë siguruar prova që mund t’i çojnë hetuesit drejt zbardhjes së vrasjes së bankierit Artan Santo.
