Vrasja e 20-vjeçares, arrestohet një person/ Dyshohet se ka lidhje me bandën

Autoritetet në Greqi kanë arrestuar në Evros një person nga Gjeorgjia me pasaportë false dhe tashmë po hetojnë nëse ka lidhje me bandën që vrau 20-vjeçaren britanike Caroline.

Siç raportojnë mediat greke, gjeorgjiani u arrestua në pikën kufitare ndërsa përpiqej të largohej nga vendi. Pasi e ndaloi për të verifikuar dokumentacionin, policia zbuloi se ai kishte pasaportë false dhe u arrestua.

Pas analizës së ADN-së , u zbulua se shtetasi i huaj ka marrë pjesë në një grabitje të ndodhur më 7 mars në Pikermi ku autorët lidhën dhe rrahën një çift të moshuarish dhe ndihmësin e tyre e më pas morën disa para dhe bizhuteri.