Dramë në LaLiga, por Atletico Madrid ia del ta ruajë vendin e parë pasi mposhti skuadrën e Osasuna. Real Madrid, që pa të mos i jepej një penallti në transfertën me Athletic Bilbao, fitoi 1-0 me një gol të Nacho në pjesën e dytë dhe mori në një moment kreun e klasifikimit por që në fund përmbysja e Atleticos ndaj Osasunës lë të zhgënjyer djemtë e Zidane.
Atletico Madrid u vu në siklet të madh, pasi Budimir me kokë i ndëshkoi në minutën e 75-të. Skuadra e Simeone kishte goditur shtyllën në fillim të ndeshjes me Suarez, kurse në nisje të pjesës së dytë VAR i hoqi një gol mbrojtësit Savic.
Nën disavantazh titulli ishte drejt Realit, por Atletico reagoi dhe barazoi shpejt me Renan Lodi. Dy minuta para përfundimit të kohës së rregullt, i zakonshmi Luis Suarez këtë herë nuk gaboi dhe e ccoi topin në rrjetë, duke i dhënë tre pikë të arta Atlëticos.
Ekipi i Simeone javën e fundit luan ndaj Valladolid, ekip që e ka jetë a vdekje për mbijetesë. Gjithsesi Atletico nuk duhet ta diskutojë këtë duel, që e çon te titulli kampion.
Real Madrid luan ndaj Villareal, që sot siguroi pjesëmarrjen në kupat e Europës, pas fitores me Sevilla 4-0.
https://streamable.com/etyh1l
