Karabinierët e Spoleto zbuluan, një laborator të vërtetë për prerjen dhe përpunimin e drogës dhe arrestuan një burrë me origjinë shqiptare, i njohur tashmë nga karabinierët.
Gjatë kontrollit të territorit forcat e Spoleto, ndeshen me shqiptarin i cili u duk i dyshimtë. Nisur nga qëndrimi i tij dyshues, karabinierët vendosën ta kontrollonin edhe në trup, ku gjetën rreth 17 gramë kokainë të ndarë në doza.
Kërkimi vazhdoi më pas në shtëpinë e të dyshuarit ku u gjetën dhe sekuestruan mbi 7,000.00 euro në para të gatshme.
Brenda garazhit karabinierierët gjetën rreth 1.2 kg kokainë, pjesërisht e ndarë në doza, 150 gram substancë prerëse, material i ndryshëm për peshimin dhe paketimin e substancës dhe, madje, një përzierës dhe një shtypëse hidraulike që mund të përdorej për të ngjeshur drogën në blloqe .
Shqiptari u arrestua dhe u dërgua në burg në pritje për ta dërguar para gjykatës.
