Fieri ishtë një nga ato qarqe ku socialistët synonin të merrnin 10 mandate, por nuk shkuan më shumë se 9.
Kreu i komanduar i PS në qarkun Fier, Petro Koçi, përmes një postimi në faqen e tij zyrtare në fb, thotë se ky rezultat ishte më së shumti për faj të administratës. Sipas, Koçit i’a kanë sjell njerëzve në majë të hundës me sjelljen e tyre dhe korrupsionin në shërbime.
Koçi, gjithashtu shkruan se shumë drejtues lokalë ia futën gjumit gjatë fushatës, dhe sipas tij Basha duhet të falenderojë pikërisht këta zyrtarë të PS për rezultatin jo të thellë të mazhorancës në Fier.
“E vërteta është se PS nuk mori rezultat maksimal në zgjedhje pikërisht për shkak të administratës. Jo vetëm që shumë të zgjedhur në PS që janë pjesë e administratës ja futën gjumit në fushatë, por një pjesë e rëndësishme e administratës u kthye në kosto elektorale për PS. Me përtacinë, kapadaillëkun dhe pse jo korrupsionin në dhënien e shërbimeve për qytetarët. Këta, Basha duhet ti falenderojë për demotivimin e një pjese të votuesve për të mbështetur PS. Shumë votues kur votojnë nuk kanë parasysh Ramën apo Bashën, por administratorë të punëve vendore, drejtorë apo nëpunës që ua kanë sjellë në majë të hundës. Prandaj Basha duhet tu jetë mirënjohës të pandershmëve të administratës”,- shkruan Koçi.
