Deputetja e zgjedhur e PD, Albana Vokshi, ka reaguar pas skandalit të madh që po ndodh në Fier, ku nuk ka rroga për mësuesit.
Me anë të një postimi në Facebook, Vokshi shkruan se kjo ëhstë një tjetër rovë e fortë që tregon se qeveria përdori pushtetin për të vjedhur zgjedhjet.
Sipas saj prova më e fortë është pikërishisht mungesa e rrogave për mësuesit në Fier, e cila tregon se nuk ishin parashikuar në buxhet punësimet elektorale.
Postimi i Vokshit:
Provat për vjedhjen e zgjedhjeve duke përdorur burimet shtetërore janë kudo.
Duhet që 3 prej anëtarëve të #KAS të mos i binden më Ramës, por ligjit dhe #masakra #elektorale do të provohet edhe zyrtarisht. Një nga provat për të cilat KAS duhet të marrë informacion janë #punësimet #elektorale.
Mësuesit e marrë në punë për zgjedhje ne shkollat e Fierit kanë mbetur pa rroga. Ata nuk ishin parashikuar në buxhet dhe sot nuk paguhen dot, sepse janë jashtë organikës. Janë vetëm punësime të përkohshme elektorale në këmbim të votës. Ky skandal elektoral dhe nëpërkëmbje e dinjitetit njerëzor ka ndodhur në, të paktën, 2 gjimnaze të Fierit, në shkollën e muzikës “Jakov Xoxa” dhe në shkollat e mesme të bashkuara në Kafaraj, Povelçë e Cakran të Fierit.
Këtë muaj #mësuesit “elektoralë” do të mbeten pa rroga, pasi u është thënë se fondi limit mujor është tejkaluar.
Nisja e këtij mandati të paligjshëm me mashtrim, keqtrajtim, dhe braktisje për mësuesit na tregon sesa e drejtë dhe e pazëvendësueshme është beteja jonë për ndryshimin dhe #zgjedhjet e #lira e të #ndershme.
#Zgjedhjetëliraetëndershme
