Qyteti i Izraelit Ashdod është goditur sot nga raketat e hedhura nga luftëtarët e Brigadës Izz al-Din al-Qassam, krahu ushtarak i grupit militant Hamas që sundon Rripin e Gazës.
Në orët e para të mëngjesit, krahu ushtarak i Hamasit tha se goditi me raketa qytetet izraelite Berseva dhe Ashdod si hakmarrje për goditjen fatale të Forcës Ajrore Izraelite në kampin e refugjatëve Ash Shati në Gaza, ku të paktën tetë persona mbetën të vrarë dhe 30 të tjerë u plagosën.
Sipas një raporti të The Jerusalem Post, zjarri shpërtheu në një fabrikë në zonën e portit.
Ndërsa luftëtarët e Hamasit godasin me raketa në drejtim të Izraelit, avionët e Forcave Ajrore Izraelite qëllojnë në drejtim të Gazës.
