U luajtën ditën e sotme 4 sfidat e fundit të “Play-Off”-it në grupet A dhe B të Kategorisë së Parë, ku u regjistruan në total plot 21 gola. Burreli arriti të triumfonte ndaj Dinamos me rezultatin 2-1, duke u renditur kështu në vendin e dytë.
Matjanët kësisoj do të përballen me Tomorin, në sfidën shtesë të “Play-Off”-it. Fituesi i këtij çifti do të ndeshet me skuadrën që do të renditet në vendin e 8-të në Kategorinë Superiore, për një “biletë” në elitëne futbollit shqiptar.
Në sfidat e tjera të zhvilluara sot, spikasin fitoret e Korabit, Egnatias dhe Tomorit. Vlen të theksohet fakti se sulmuesi i skuadrës dibrane të Korabit, Skuka, realizoi “poker” golash, në triumfin 1-5 ndaj Vorës.
Rezultatet:
Playoff, Grupi A
Burreli-Dinamo 2-1
Vora-Korabi 1-5
Play off, Grupi B
Egnatia-Pogradeci 4-2
Besa-Tomori 2-3
