Dy banesa në Gjirokastër janë përfshirë nga flakët. Mësohet se barakat i përkisnin shtetasve, Skënder Trimit dhe Gëzim Rizvanit nga komuniteti rom.
Burimet bëjnë me dije se nuk ka njerëz të lënduar, vetëm dëme material dhe 3 milionë lekë të djegura të cilat ndodheshin nën dyshekun e Skënder Trimit ku flinte me gruan.
Njëra nga pronaret e banesë shprehet se nuk e di cili ka qenë shkaku i zjarrit dhe në momentin kur ka rënë zjarr nuk kishte njerëz në banesa.
“Ndonjë korrent, ndonjë masë, ndonjë gjë, nuk e di.
Në momentin që ka marrë zjarr mesa dimë ne nuk kishte njerëz brenda. Njëra nga banesat është e imja. Orenditë e shtëpisë kishim brenda,” thotë ajo.
