Shpërndante drogë, vihet në pranga 48-vjeçari

 

Policia e Vlorës ka arrestuar, një 48-vjeçar pasi është kapur duke shpërndarë drogë.

Specialistët për Hetimin e Narkotikëve në Drejtorinë Vendore të Policisë Vlorë arrestuar në flagrancë shtetasin J. H., 48 vjeç, banues në Orikum, pasi gjatë kontrollit të ushtruar në mjetin tip “Benz” që drejtohej nga ky shtetas, shërbimet e Policisë gjetën dhe sekuestruan 130 doza me lëndë narkotike kanabis si dhe një peshore elektronike.

Materialet procedurale i kaluan Prokurorisë së Rrethit Gjyqësor Vlorë, për veprën penale “Prodhimi dhe shitja e narkotikëve”.