RENEA zbarkon në Fushë-Krujë, dyshimet se aty fshihen ekzekutorët e Everes Cakës

Fushë Kruja është ‘blinduar’ nga Forcat RENEA, të cilat janë duke ushtruar kontrolle, pasi dyshohet se aty fshihen autorët e vrasjes së Everes Cakës.

Forcat Speciale janë duke ushtruar kontrolle në banesa e biznese të ndryshme. Gjithashtu, janë ngritur edhe pika ndalimi në akse të shumta rrugore.

Këto kontrolle janë duke u kryer pasi në këtë zone dyshohet se janë fshehur autorët e vrasjes së 41-vjeçarit në Elbasan.

Everes Caka u qëllua për vdekje mbrëmjen e djeshme, teksa ishte nën drejtimin e një automjeti, bashkë me bashkëshorten. Kjo e fundit mbeti e plagosur në dorë. Dyshimet janë se vrasja ka ndodhur për motive hakmarrje.