Ja kush janë ministrat e kabinetit Rama që ikin

Kryeministri Edi Rama ka mbajtur një darkë pune me ministrat e kabinetit të tij aktual në vilën qeveritare në Dajt, ku është folur kryesisht për ndërtimin e qeverisë së ardhshme që pritet të ristrukturohet në shtator.

Kushti bazë që kryeministri paracaktoi për vendosjen e një emri të përveçëm në postin ministror është performanca e deritanishme.

Mësohet se kryeministri ka paralajmëruar ndryshime në kabinetin qeveritar në mandatin e tretë, ku do të ketë prurje të shumta nga jashtë strukturave të Partisë Socialiste.

Sipas informacioneve të siguruara, bëhet me dije se ndryshimet do të fillojnë nga Ministria e Brendshme, Ministria e Energjitikës dhe Ministria e Jashtme.

Kujtojmë se Partia Socialiste fitoi e vetme 74 mandate dhe se kjo i krijon asaj mundësinë që të krijojë qeverinë. Ndërsa programi i ri i qeverisë pritet të jetë objekt takimeve të Ramës me ekipin e PS-së dhe të ministrave.

/FaxWeb/