Nesër, Partizani do të luajë kundër Tiranës, ndeshje e vlefshme për javën e 33-të të Superiores. Jasir Asani pritet të jetë titullar në këtë sfidë mjaft të rëndësishme për dy ekipet kryeqytetase.
Mëngjërashi i të kuqve ka bërë një postim në rrjetet sociale ku duket se kërcënon bardheblutë duke shkruar: “Vazhdojmë”.
Ai nuk ka humbur deri më tani asnjë sfidë derbi përgjatë këtyre viteve me Partizanin. Edhe në triumfet e sezonit të shkuar të Tiranës 2-1 dhe 5-1, Asani nuk ishte prezent në fushë në takimin e parë, ndërsa në të dytin ishte i huazuar te AEK-u në Suedi.
Kujtojmë që ndeshja e nesërme, Partizani – Tirana është programuar të zhvillohet në orën 19:00 në “Air Albania Stadium”.
