Gjendet një automjet i djegur pak minuta pas vrasjes së 41-vjeçarit Everest Çaka në Elbasan.
Dyshohet se makina është gjetur duke u djegur në Kavajë.
Bëhet fjalë për një automjet tip “Benz” që dyshohet të jetë përdorur nga autorët e krimit.
Gjatë mbrëmjes së sotme, një 41 vjeçar ka humbur jetën dhe gruaja e tij ka mbetur e plagosur si pasojë e një atentati me armë në qytetin e Elbasanit.
Sulmi vrasës ndodhi në zonën e Fushë Mbretit pranë superstradës Elbasan – Metalurgët, afër një kompleksi shërbimesh, raporton noa.al.
Viktima është shtetasi Everest Caka, ndërkohë që e plagosur ka mbetur bashkëshortja e tij Silvana Caka që ndodhej në makinë.
Everest Çaka 41 vjeç është ekzekutuar brenda në makinën e tij tip “Opel”, në sy të së shoqes e cila përveçse u tmerruar nga ngjarja fatale,u plagos në dorë.
Ngjarja ka ndodhur sonte rreth orës 20:10, në lagjen “Skënderbe”, Elbasan, ku në rrethana ende të paqarta është vrarë me armë zjarri në mjet, Everest Caka, rreth 41 vjeç si dhe është plagosur në dorë bashkëshortja e tij shtetasja Silvana Caka, jashtë rrezikut për jetën”, tha policia.
