Një aksident fatal është regjistruar në afërsi të Casertano, ku një djalë me origjinë shqiptare humbi jetën tragjikisht. Viktimë e aksidentit të tmerrshëm është një 22-vjeçar banues në Cassino-Formia, i quajtur Alessio Veseli.
“Alfa Mito” e drejtuar nga i riu, që ishte nisur për në punë në Formia u përplas me një kamion që vinte në drejtim të kundërt. Përplasja fatale u regjistrua mëngjesin e sotëm në jug të provincës së Frosinone, përgjatë autostradës 630.
Pas përplasjes makina doli nga rruga duke përfunduar në një kanal.
Zjarrfikësve u desh të ndërhynin për të nxjerrë të riun nga llamarina, por fatkeqësisht tashmë nuk kishte asgjë tjetër për të bërë për të.
Karabinierët po hetojnë shkaqet e aksidentit të rëndë.
