“Ke qenë i vogël kur ka bërë histori kjo skuadër”, gazetari përplaset keq me presidentin e Dinamos

Debati i ashpër në emisionin e mbrëmjes së djeshme në “Skaner”. Presidenti i Dinamos, Marco Pontrelli është shprehur se merita kryesore për ngjitjen e bluve në Superligë është vetëm e tij pasi e mori skuadrën në gjendje tepër të vështirë duke rrezikuar edhe rënien në Kategorinë e Dytë.

“Mos jepni komplimente për të gjithë, ato më takojnë vetëm mua. Unë e mora ekipin kur ishte në kosh, mes vështirësive, kur nuk i besonte njeri. Unë e solla Dinamon këtu dhe vetëm unë duhet të flas për Dinamon. Nuk gjeta një fushë për stërvitje, as fanella dhe dokumenta për klubin dhe e solla në Superiore. Do ta kisha marr këtë skuadër edhe në Kategorinë e 5-të”, u shpreh ndër të tjera Pontrelli.

Një gjë e tillë nuk i ka pëlqyer gazetarit Lirim Zalla që i përgjigjur presidentit të Dinamos se kjo skuadër nuk mund të ndryshojë histori në këtë mënyrë.

“Ti mund të kesh bërë një gol, por golat e tjera i ka bërë Dinamo. Ti bërë një kërkesë, por more edhe një ofertë. U bëre president i Dinamos dhe kanë sakrifikuar shumë njerëz për Dinamon në këto 10 vite. Këto fjalë që unë i kam bërë të gjitha i vetëm dhe suksesi më takon mua i vetëm nuk i ka thënë as Berluskoni me Moratin. Kur ka bërë historinë Dinamo, ti ishe i vogël”, u shpreh Zalla.