Yuri Kim: Nuk ka vend për aktorë të korruptuar në sistemin e drejtësisë

Ambasadorja e Shteteve të Bashkuara, Yuri Kim, në aktivitetin e zhvilluar për Ditën e Drejtësisë, u shpreh se nuk ka vend për aktorë të korruptuar në sistemin e drejtësisë.

“Reforma në drejtësi ka bërë shumë përpara por mbetet ende për të bërë. Ka qenë një rrugë e vështirë dhe përgjatë rrugës kemi pasur biseda të vështira. Por këto kanë ardhur nga një mik. Ju keni paguar një çmim të lartë dhe dëshiroj t’ju falënderoj për këtë. Është koha që ju të tregoni se jeni të pandikuar nga politika, nuk ka vend për korrupsion dhe aktorë korrupsioni në sistemin e drejtësisë.  Shqipëria ka tashmë një kornizë të plotë ligjore në përputhje me standardet më të lartë”, tha ndër të tjera Kim.