Zëvendësministrja e Shëndetësisë, Eugena Tomini, e ftuar në Radari Informativ në “ABC” foli për situatën epidemiologjike në vend si edhe procesin e vaksinimit kundër Covid-19.
Gjatë bisedës në studio, Tomini tha se më e keqja e pikut të muajit shkurt dhe tetor ka kaluar.
Ajo sqaroi se rreth 19,8 % e popullatës janë të vaksinuar me një dozë anti-Covid, ndërsa mbi 140 mijë individë janë vaksinuar me të dyja kundër koronavirusit.
“Rastet e vdekshmërisë nuk mund reflektojnë brenda 24 orëve. Mund të kenë disa ditë qëndrimi në spital. Është shumë e rëndësishme që asnjë shenjë të mos neglizhohet pavarësisht se aktualisht jemi në kushte të një situate më të qetë epidemiologjike”, tha Tomini.
Tomini tha se fushata e vaksinimit ka ecur me ritme të mira pasi për 10 ditë janë arritur 600 mijë vaksinime, ndërsa pritet që shumë shpejt të thyejë objektivin me 1 milion të vaksinuar.
“130 mijë individë e kanë kaluar sëmundjen me diagnozë laboratorike. Individët që vaksinohen me Pfizër për dy javë e kanë imunitetin e plotë, ndërsa grupi i të vaksinuarve me AstraZeneca e kanë 8 deri në 12 javë”, u shpreh Tomini.
Ajo theksoi se nëse tendenca e situatës epidemilogjike do të jetë ulëse, mund të kemi një fund maji ndryshe nga 2020.
“Tendenca e situatës nëse do të jetë ulëse, duhet të jetë një fund maj ndryshe nga 2020. Por kjo tendencë në ulje duhet të mbahet. Gjasat janë për një lehtësim më të mirë të kësaj vere. Jo vera e 2020, jo aq e mbyllur, aq e ngurtë.”
Zëvendësministrja e Shëndetësisë tha se vera do të jetë më e lirë edhe për faktin që një pjesë e mirë e kategorive të rrezikuara janë tashmë të vaksinuara.
“Do jetë më e lehtësuar se të gjitha grupet e riskut, edhe strukturat akomoduese, e lehtësojnë akoma situatën. Dhe, pandemia ka akoma më pak efekt në turizëm. Kjo lloj tendence në rënie, nuk matet me 5-15 ditë. Duhet një jetëgjatësi. Nuk ka një datë fikse.”
Por çdo të ndodhë me universitetet, dhe me ata që punojnë në industrinë e muzikës, artit, me teatrot, kinematë e stadiumet. Sërish Tomini u shpreh se do të veprohet në bazë të tendencës së situatës epidemiologjike.
“Duke parë tendencën, duke u mbështetur tek imunizimi besoj që situata do të përmirësohet edhe për këto grupe. Shqipëria e ka menaxhuar situatën me masa të moderuara. Të gjitha grupet që kanë rrezikuar shumë nga pandemia, janë aktiviteti që çlirojnë shumë energji, distancimi është thuajse i pamundur. Po reflektojnë grumbullimin masiv…”
