Asnjë gjurmë nga autorët e vrasjes së Bledar Birçajt, ja pistat ku po heton Policia

Disa orë pas ekzekutimit të 40-vjeçarit Bledar Birçaj, krim që tronditi paraditen e sotme Vlorën, policia ende nuk ka një autor të dyshuar për ngjarjen, sikundër hetimet po vijojnë për zbardhjen e shkaqeve.

Policia u vu në ndjekje të makinës së autorëve, por pa gjetur gjurmë nga atentatorët, që mendohet se janë profesionistë.

Burime nga grupi hetimor shprehen se se personi që ka qëlluar në drejtim të makinës tip BMW, dyshohet të jetë profesionist, pasi plumbat e lëshuar në drejtim të objektivit kanë qenë të orientuara dhe me shenjë drejt viktimës.

Dyshohet se ekzekutri kanë qenë vrasës me pagesë, referuar saktësisë së plumbave.

Hetimet janë përqëndruar në të shkuarën e viktimës, ndërsa pritet të kërkohen të dhëna nga autoritete spanjolle, pasi 40-vjeçari udhëtonte shpesh drejt këtij vendi. Madje ai ishte kthyer në Vlorë 1 muaj më parë, pikërisht nga Spanja.

Ndërkohë një tjetër pistë hetimet është ajo e përplasjeve mes grupeve të ndryshme në qytetin bregdetar për shkak të kontrollit të territorit për veprimtaritë e paligjshme.