Paralajmërimi i ekspertëve: Sezoni i ardhshëm i gripit do të jetë më i keq

Më shumë se një vit pas pandemisë, Covid-19 është në qendër të diskutimeve të ekspertëve të shëndetit publik, megjithëse shkencëtarët po paralajmërojnë një virus me një kërcënim serioz: gripi.

Referuar raportimeve në SHBA, këtë sezon, gripi pothuajse u zhduk dhe vetëm 2,000 raste u konfirmuan në laboratorin në SHBA sipas Qendrave për Kontrollin dhe Parandalimin e Sëmundjeve.

Në një sezon tipik të gripit, SHBA raportonte më shumë se 200,000 raste në këtë periudhë të vitit, ndërkohë që numri i vërtetë i rasteve vlerësohet të shkojë nga 9 milionë deri në 45 milionë raste në vit.

Rënia e numrit të rasteve të gripit nuk është diçka e pazakontë. Siç njoftuan më herët, masat anti-Covid, si mbajtja e maskës dhe distanca sociale, ndikuan në parandalimin e transmetimit të gripit.

Mirëpo Dr. Andy Pekosz, profesor i mikrobiologjisë në Johns Hopkins Bloomberg School of Public Health, tha për NBC News se një vit pa grip mund të çojë në një vit me më shumë grip.

“Ne kemi kaluar një vit pa një pjesë të konsiderueshme të popullsisë që infektohej me grip dhe fitonte imunitet për shkak të infektimit. Kjo mund të nënkuptojë që njerëzit e ndjeshëm ndaj gripit do të rriten,” tha ai.