Ish-ministrja e Integrimit, Klajda Gjosha, ka reaguar në Ditën e Europës, ku thotë se vendi ka 7 vite që pret çeljen e negociatave, por ende askush nuk di të thotë se cila është e ardhmja.
Ajo i bën thirrje politikës për reflektim për të marrë më shumë përgjegjësi, “e jo për të mashtruar vetveten!”.
“Sot 9 Maji, dita e Evropës! A është edhe Shqipëria gati? Fjalët në këtë proces i merr gjithmonë era, rezultatet janë ato që mbeten! Rezultati i deri tanishëm, kemi 7 vite që presim për çeljen e negociatave dhe askush nuk di të thotë sot se cila është e ardhmja. Shqipërisë i ka munguar gjithmonë maturia politika dhe sado që ne jemi mësuar të festojmë në këtë ditë, ndoshta ka ardhur koha e një reflektimi nga politika për të marrë më shumë përgjegjësi, e jo për të mashtruar vetveten!”, shkruan Gjosha në një postim në rrjetet sociale.
