Ish-kryeministri Sali Berisha denoncon punësimet nepotike në Drejtorinë e Përgjithshme të Doganave. Berisha shprehet se drejtoresha e burimeve njerëzore në dogana zgjedh vajzën për ta punësuar në doganë.
Në një postim në rrjetet sociale, ai ka publikuar një mesazh për të cilin thotë se ka ardhur në adresë të tij.
Në mesazh, shkruhet:
“Përshëndetje doktor, ju lutem bëjeni publik ketë lajm. Shpeshherë neper dogana janë denoncuar aferat korruptive duke u shmangur një dukuri tepër shqetësuese siç është ajo e nepotizmit. Kemi dëgjuar dhe se të punësohesh në administrate doganore duhet patjetër të kesh miq, lekë dhe shokë. Rasti që po përmendim është ajo e një nëne ku si përgjegjëse sektori më parë pranë drejtorisë së burimeve njerëzore në Drejtorinë e Përgjithshme e Doganave ka punësuar të bijën e cila aktualisht është tek drejtoria e antitrafikut. Behet fjalë për Alfreda Trajani, aktualisht drejtoreshë e komanduar e burimeve njerëzore, ka punësuar të bijën Gestina Trajani në shkelje të plotë me ligjin kombëtar dhe me një shqetësim të madh që na e kanë vënë në pah dhe ndërkombëtarët. E ëma punëson të bijën në administratën doganore. Ndaj rrime pa punë ne të tjerët se na i kanë zënë fiset vendet e punës”.
