Kukësi i jep goditje Vllaznisë në garën për titull, kuqeblutë në krizë rezultatesh

Kukësi ka mposhtur me rezultatin 3-1 Vllazninë, që tronditet në objektivat e saj për të fituar titullin kampion.

Verilindorët shënuan dy herë në pjesën e parë me Eze dhe Taipin, kurse Hoxha e hapi lojën për momentin. Në fund Gavazaj realizoi edhe golin e tretë për Kukësin, që tani është më i qetë.

Dueli në Elbasan nisi i vrullshëm, me Kukësin që befasoi Vllazninë me një gol të shënuar nga Patrick Eze në minutën e 9-të.

Gabimet te shkodranët ishin të shumta dhe i dhurojnë një penallti Kukësit. Gjelbrim Taipi nga pika e bardhë e 11-metërshit nuk fali. Brdaric në pushim vendosi të aktivizojë Cisse dhe Avdiaj, kurse më pas edhe Nya-Vedji. Afrikani i Vllaznisë u shfaq i rrezikshëm disa herë, por nuk pati shënjesrën e duhur. Shkodranët fituan një penallti me Avdiaj pas pesë minutash.

Ardit Hoxhaj u tregua i saktë dhe hapi lojën. Vllaznia gjithë kohën qëndroi në sulm për të shënuar golin e barazimit. Në kampin kuqeblu u tërbuan kur u dhanë 4 minuta shtesë, madje arbitri Meta ndëshkoi me të verdhë trajnerin Brdaric dhe kapitenin Gurishta. Në shtesë Zenel Gavazaj shënoi edhe golin e tretë, që i mbylli llogaritë.