Përplasi 56-vjeçarin dhe u largua, arrestohet shoferi në Durrës

Policia e Durrësit arrestoi sot drejtuesin e një mjeti, i cili pas një aksidenti tentoi të largohej nga vendi i ngjarjes.

Nga burime zyrtare mësohet se shtetasi Q.T, 54 vjeç, duke drejtuar mjetin tip “Ford”, ka aksidentuar dhe është larguar nga vendngjarja, biçiklistin me iniciale Rr. J., 56 vjeç, banues në Sukth, i cili ndodhet nën kujdesin e mjekëve.

Gjithashtu, specialistët e Qarkullimit Rrugor në Drejtorinë Vendore të Policisë Durrës arrestuan në flagrancë shtetasin L. B., 49 vjeç, banues në Durrës, pasi në lagjen nr. 13, Durrës, duke drejtuar mjetin tip “Ford”, në gjendje të dehur është përplasur me një mjet tjetër, duke i shkaktuar dëme materiale.