Chelsea merr vendimin për të ardhmen e Armando Brojës

Armando Broja është duke kaluar një formë të shkëlqyer me skuadrën e Viteshes në Holandë, ku luan i huazuar nga skuadra e Çelsit.

Duke parë formën e mirë të sulmuesit të Shqipërisë, drejtuesit e Çelsit mendojnë se do jetë një lojtar i rëndësishëm për skuadrën e tyre. Për këtë arsye, sipas ekspertit të merkatos, Fabricio Romano, Çelsi ka vendosur të rinovojë kontratën në verë me Brojën. Drejtuesit janë të lumtur me formën e lojtarit dhe nuk duan ta humbasin.

Nuk dihet ende nëse lojtari do të rikthehet për sezonin tjetër te londinezët, apo do të qëndrojë edhe një sezon te Viteshe, aty ku gjatë këtij sezoni ka shënuar 11 gola.