Vrasja e Xhuvanit, SHÇBA vendos nën hetim Albert Nushin dhe Niko Pallën

Shërbimi për Çështjet e Brendshme dhe Ankesat ka nisur zyrtarisht procedimin penal mbi dy zëvendësdrejtorët e policisë në Elbasan Albert Nushi dhe Niko Palla e patrullën e policisë, e pranishme në përplasjen me armë të ndodhur më 21 prill në Elbasan ku mbeti i vrarë Pjerin Xhuvani dhe u plagosën 4 persona.

Hetimet për rastin po kryen në bashkëpunim me prokurorinë e Elbasanit. Nga raportimet mësohet se vrasja mund të ishte shmangur nëse do të kishte pasur reagim më të shpejtë nga ana e zyrtarëve.

Këta të fundit, në momentin e vrasjes kanë qenë në vendngjarje.

SHÇBA ka vendosur nën hetim të paktën 10 persona, mes të cilëve edhe dy zv.drejtorët e policisë.