Noizy ka arritur të krijojë një karrierë të suksesshme ndër vite dhe të kthehet në një ndër reperët më të paguar dhe të kërkuar. Pavarësisht se ka jetuar disa vite në Londër, Noizy vendosi të kthehet në Shqipëri dhe të punojë në vendlindjen e tij.
Së fundmi, reperi publikoi në llogarinë e tij në Instagram një foto të vjetër të realizuar kur ka qenë vetëm 15 vjeç. Ai shihet duke pozuar pranë një makine “Ferrari” të kuqe, por që sigurisht nuk ka qenë e tija.
“15 vjeç, kur kam parë ‘Ferrari’ për herë të parë”, shkroi Noizy krahas postimit.
View this post on Instagram
Në garazhin e reperit ka një koleksion të vërtetë me makina prej qindra mijëra eurosh. Pas “Rolls Royce”, “Lamborghini”, “Ferrari”, “AMG”, dhe disa të tjerave, Noizy ka marrë edhe një “Hummer” të zi, me të cilin u shfaq në klipin e “100 kile”.