Antonio Conte më në fund ja doli të rikthejë Interin te titulli kampion dhe ka marrë kredite të mëdha për qëndrimin në sezonin e ardhshëm.
Gjithsesi kjo nuk është ende e garantuar dhe këtë e tregon edhe vetë Conte. Italiani komenton edhe rikthimin e Mourinhos në Itali, te Roma.
“A do qëndroj? Tani le të shijojmë titullin kampion, më pas do bëjmë vlerësimet me presidentët dhe drejtorët për më të mirën e Interit.
Mourinho? Është lajm shumë i mirë që një trajner i shkëlqyer po kthehet në Itali. Zënkat e të shkuarës? Kur je në ndeshje, vdekja jote është jeta ime”, u shpreh Conte.