Akuzohet se tentoi të përdhunonte 13-vjeçaren, zbardhet dëshmia e policit

Zbardhet dëshmia e policit të arrestuar në Lezhë, i cili akuzohet se ka tentuar të përdhunojë një vajzë të mitur, vetëm 13 vjeç.

Nga raportimet mësohet se efektivi i policisë, e ka cilësuar ngjarjen si të inskenuar. Ai ka shtuar se vajzën nuk e njeh dhe është ndalur për t’i ardhur në ndihmë për shkak se i kishte nxjerrë dorën për ta marrë në makinë.

Ndërkohë i pyetur për arsyen se pse kanë shkuar në një banesë ku e kanë kapur edhe kamerat e sigurisë, polici Kol Kola, është shprehur se një gjë e tillë i ishte kërkuar nga vetë vajza e mitur.

Kol Kola, efektivi i ishull Lezhës u arrestua ditën djeshme nga SHÇBA pasi u akuzua nga një e mitur për ngacmim seksual.